Ish-e dashura e Zayn Malik foli për herë të parë për situatën e saj pas ndarjes.
Perrie Edwards tregon për “Heart Radio” se kur Zayn vendosi të ndahej ajo mbeti në mes të katër rrugëve, pasi ajo jetonte në shtëpinë e këngëtarit dhe nuk kishte ku të shkonte tjetër.
Këngëtarja 23-vjeçare është shprehur se për muaj të tërë ka jetuar ku të mundej, sa tek shoqet e saj dhe sa tek familjarët pasi të zotërosh një shtëpi në Britaninë e Madhe kërkon kohë dhe procese të gjata ligjore. Madje kur ke shumë kafshë shtëpiake si Perrie, situata vështirësohet edhe më shumë.
Ajo gjithashtu ka treguar se ka qenë për muaj të tërë në gjendje shoku, pasi Zayn hodhi poshtë katër vite lidhje dhe i dha fund papritur nëpërmjet mesazheve, në prag të fejesës së tyre.
Perrie është kapur disa herë nga kamerat duke u përlotur në koncertet e grupit dhe shprehet se mesazhet e fansave të saj ka qenë një ndihmë e madhe për të kaluar ndarjen traumatike.
Burimi: Daily Mail
