Familja Kardashian janë lënë në harresë këtë herë nga “Forbes” në listën e Grave më të Fuqishme të Botës. Ndërsa kolege të tjerë të famshme si Rihanna, Beyonce dhe Taylor Swift janë përfshirë në listë, asnjë nga familja Kardashian nuk ka arritur të bëhet pjesë e saj. Pavarësisht se Kim Kardashian dhe Kylie Jenner kanë krijuar perandoritë e tyre me produktet e bukurisë nuk janë përmendur në listën e Grave më të Fuqishme të Botës.
Në këtë listë, Oprah Winfrey qëndron më lartë nga gjithë personazhet e njohur, duke zënë vendin e 20-të. Ndërsa Rihanna është pozicionuar e 69-ta, Beyonca ka zënë vendin e 73-të, Taylor Swift është pozicionuar e 82-ta dhe Reese Witherspoon është renditur e 92-ta.
Në përgjithësi lista e dominuar nga politikane, biznesmene dhe për të dhjetin vit radhazi u kryesua nga kancelarja gjermane Angela Merkel. Për herë të parë në këtë listë u përfshi edhe zëvendës presidentja e zgjedhur e SHBA-ve, Kamala Harris. Në këtë listë janë përfshirë edhe kryeministrja e Zelandës së Re, Jacinda Ardern dhe ajo norvegjeze, Erna Solberg.
