Ka shkuar në 8 numri i rasteve të infektuara ne koronavirus në Elbasan.
ABC News shkruan se bëhet fjalë për 3 raste të reja nga e njëjta familje. Nëna 52-vjeçare dhe 2 vajzat e saj 25 dhe 22 vjeç.
52-vjeçarja e infektuar është punonjëse e një banke të nivelit të dytë, ku punon një staf prej 23 punonjësish.
Testi u është bërë të gjithë familjarëve, dhe vetëm nëna me vajzat kanë rezultuar pozitive, ndërsa babai negativ, sipas Top Channel.
Por ndonëse bashkëshorti i zonjës ka dalë negativ, testi duhet kryer në një moment të dytë, pasi shanset janë që virusi të rishfaqet më vonë.
Deri më tani ka shkuar në 262 numri i të prekurve nga COVID-19 në Shqipëri, ndërsa janë regjistruar 15 viktima.
/Iconstyle.al
