Disa nga divat e botës së modelingut morën pjesë në ceremonisë ekskluzive të stilistit britanik, Edward Enninful, që fitoi çmimin OBE për shërbimet në modë.
Ndër emrat më të njohura ishin Naomi Campbell, Lara Stone, Kate Moss, Irina Shayk dhe Winnie Harlow. Pesë supermodelet u shfaqën të veshur në stilin e tyre, por pati edhe incidente.
42-vjeçarja Kate Moss u shfaq pas festës e pirë, sa mezi mundte të mbante sytë hapur. Ajo u shoqërua në makinë nga shoqja e saj, e cila e ndihmoi që të ecte. Teksa u ul në makinë, supermodelja mundohej që të devijonte shikimin te kamerat, ndërsa ngriti fustanin për të qenë më e lirshme.
Nga ana tjetër 32-vjeçare Lara Stone pati një incident para se të arrinte në festë. Pavarësisht se modelja nuk guxon me stilin, ajo kishte zgjedhur një fustan të zi me një dekolte të thellë. Por gjatë qëndrimit në taksi, Stone për pak sa tregoi më shumë seç duhej. Në momentin që doli nga makina, modelja tregoi të brendshmet dhe korsen. Ajo ngjante shumë e zbehtë në fytyrë, ndoshta për shkak të mungesës së një buzëkuqi.
Ndërsa Naomi Campbell nuk e mbajti fjalën që, “më mirë nudo se sa të vesh një pelush”. Kjo ka qenë reklama e famshme ku ikona pozoi 20 vite për parë për PETA, fushatën kundër pelushit. Por pas 20 vitesh duket se zgjedhjet e modës të Naomi Campbell kanë ndryshuar. 46-vjeçarja dukej e mrekullueshme me fustanin shkëlqyes me temina të Alexander McQueen (7785 paundë), të kombinuar me një pelush.
Bukuroshja ruse, Irina Shayk dukej shumë sensuale e gjitha me të zeza. Modelja kishte zgjedhur të vishte fustanin e vogël të zi Lanvin pa të brendshme dhe dukej mahnitëse.
Edhe modelja unike Winnie dukej shumë tërheqëse me fustanin kadife të Kristian Aadnevik. Ajo kishte zgjedhur trendin e fundit, copën kadife ngjyrë vishje me detaje dantelle.
Burimi: Iconstyle/DailyMail
