Ky 5-vjeçar nga Siri preku dje zemrat e miliona njerëzve nga e gjithë bota. Omran Daqneesh ishte një nga të plagosurit një sulmi në Alepon e pushtuar nga rebelët.
Djali i vogël qëndron vetëm në një stol të ambulancës dhe i mbuluar nga pluhuri, pasi një sulm ajror i shkatërroi shtëpinë.
Videoja tregon se si vogëlushi fshin me dorë ballin e pluhurosur, por e kupton që është gjakosur. Pasi e fshin në stol dorën e vogël, e vendos mbi prehër.
Edhe gazetarja e CNN Kate Bolduan, gjatë një transmetimi drejtpërdrejt, teksa raportoi mbi këtë ngjarje tragjike, nuk i mbajti dot lotët. Omran në fytyrën e tij ka të skalitur tmerret dhe vuajtjet e popullit sirian, për shkak të sulmeve të njëpasnjëshme.
Omran nuk ka lot në sytë e tij, por transmeton dhimbje dhe një “shok” total. Ende nuk dihet se ku janë prindërit e tij.
Burimi: CNN
