Konferenca për shtyp e trajnerit të Kombëtares Kristian Panuçi u shoqërua me shumë tensione, mes këtij të fundit dhe gazetarit të “Supersport” Gjergji Stefa.
Stefa e pyeti trajnerin se kush janë fajtorët kryesorë të rezultatit të ndeshjeve të Kombëtares në këto një vit e gjysmë dhe a duhet t’i japë më besim Armando Duka. Mirëpo replikat mes tyre ishin aq të ashpra, saqë Panuçi i kërkoi gazetarit ta qeptë gojë ku tekniku ishte duke folur.
Gazetari: Në një vit e gjysmë keni ndryshuar shumë, lojtarë e skema. Të gjithë thonë e kemi fajin ne. Në përqindje si mendoni, kush janë fajtorët kryesorë. Nëse do ishit në vend të Dukës, do t’i jepnit besim Panuçi për të vazhduar punën?
Panuçi: Përqindjet i bëni ju, si gazetarë. Për Dukën, nuk di ç’të them. Nëse Duka ka besim më mban, nëse jo më çon në shtëpi. Kur thoni Kosova apo Ukraina, nuk të intereson nëse mungojnë 14.
Gazetari: Nuk është kështu. Ta bëra unë pyetjen. Kombëtarja është gjithmonë Kombëtare. Edhe kur luan ndeshje miqësore edhe kur mungojnë 7 lojtarë apo 18.
Panuçi: Pa 14 lojtarë Shqipëria nuk është konkurruese. Më shqetëson shumë.
Gazetari: Nuk më intereson.
Panuçi: Më shiko në sy kur flas. Tregohu presionist dhe serioz, mos shiko telefonin.
Gazetari: Të shikoj kur flas me ty.
Panuçi: I paedukatë!
Gazetari: Gjithashtu…
Panuçi: Unë jam i edukuar!
Gazetari: Edhe unë…
Panuçi: Po më bën të qesh…
Ndërhyn Ilda Bejleri: Çfarë do ndryshojmë që nesër në lidhje me grupin?
Panuçi: Pyesni “profesorin” atje (drejtuar gazetarit) që mendon se ne jemi Brazili. Qepe gojën, po flas unë.
Burimi: Panorama
