Roland Hysi është dënuar nga Gjykata për Krime të Rënda me 4 vite e 6 muaj burg.
Gjyqtari i Fierit, i cili akuzohet për shpërdorimin e detyrës, pasi i kërkoi favore seksuale një gruaje, përfitoi ulje nga gjykimi i shkurtuar duke u dënuar përfundimisht me 3 vite burg.
Gjithashtu gjykata vendosi që Hysit t’i hiqet e drejta e funksioneve publike për 5 vjet.
Hysi u arrestua më 9 janar pasi u filmua nga kamera e fshehtë e “Stop” duke marrë 500 euro ryshfet dhe duke i kërkuar favore seksuale një gruaje që kërkonte kujdestarinë e fëmijës.
Gjyqtari akuzohet për veprat penale “Korrupsioni pasiv i gjyqtarëve prokurorëve dhe funksionarëve të tjerë të organeve të drejtesisë” dhe “Ushtrimi i ndikimit të paligjshëm të personave që ushtrojnë funksione publike”.
