Kanye West ka gjetur një blerës për shtëpinë buzë plazhit në Malibu, të cilën e nxori në treg në dhjetor të 2023-ës.
Në vitin 2021 , reperi pagoi 57 milionë dollarë për shtëpinë, së cilës i ka hequr të gjitha pajisjet e brendshme dhe dritaret. Ai fillimisht e renditi rezidencën, e cila përmban pamje të Oqeanit Paqësor nga çdo dhomë, për 53 milionë dollarë përpara se ta ulte çmimin në 39 milionë dollarë në prill 2024.
Fotot dhe videot e pronës në gjendjen aktuale të publikuara nga New Yorker në korrik, tregojnë fasadën me pamje nga oqeani me të gjitha dritaret e hequra dhe parmakët e saj të ndryshkur në ajër të hapur.
Mirëpo më në fund, prona është shitur. Ylli i “Selling Sunset”, Jason Oppenheim, ndërmjetësi i të cilit shiti pronën, e konfirmoi për PEOPLE.
