Këngëtari i njohur Mateus Frroku në fund të vitit të kaluar i dha fund marrëdhënies 9-vjeçare me të fejuarën e tij.
Lidhur me gjendjen emocionale pas ndarjes, vetëm pak ditë më parë, ai përgjatë një interviste për “Thumb” deklaroi:
“Uroj të kalojë kjo ndjesi, por për momentin nuk e di pse kam një boshllëk, që më duket e vështirë të vijë diçka e re, por sigurisht që do të vijë në jetë!”
Ndërkohë, ditën e sotme ai ishte i ftuar emisionin “Ftesë në 5” prej ku pohoi se ka fshirë çdo foto me partneren, por e ka të vështirë të fshijë kujtimet me të.
“Asnjë histori nuk mbyllet në jetën time për sa kohë kam jetuar një kohë shumë të gjatë me një njeri”, – është shprehur këngëtari i emocionuar.
Në vijim, ai tha se nuk dëshiron që të flasë më gjatë për çështjen në fjalë, pasi mund të preket edhe pala tjetër që nuk është e njohur nga publiku.
