Pas 2 vitesh, Ronaldo dhe Messi u përballën mbrëmjen e sotme në Champions League dhe kjo nata ishte e gjitha e yllit portugez.
Pasi mungoi në përballjen e parë me katalanasit, Ronaldo e përmbushi me sukses misionin mbrëmjen e sotme, duke i dhënë Zonjës së Vjetër fitoren e thellë 3-0 pikërish në “Camp Nou”.
Kështu bardhezinjtë kanë marrë vendin e parë me yllin portugez që ka lënë shenjë në duelin e ritakimit të tij me Lionel Mesin duke shënuar 2 gola në fitoren e bujshme.
Gianluigi Buffon mbush 43 vjeç muajin tjetër, por sot ai bëri një paraqitje të jashtëzakonshme, duke neutralizuar Leo Messin me shokë.
Gardiani bëri plot shtatë pritje në këtë ndeshje ndaj Messit, i cili nuk kishte arritur asnjëherë që nga viti 2018 të godiste kaq shumë në Champions, por për çudi sot asnjëra nuk e tundi rrjetën.
Sfida u hap në minutën e 13-të kur Ronaldo shënoi nga pika e bardhë e penalltisë,ndërsa Mckenie ishte ai që dyfishoi shfirat pak minuta më vonë, duke hapur plotësisht diskutimet e vendit të parë në grup që në minutën e 20.
Juventusi gjeti edhe golin e tretë, përsëri me Ronalon në fillimin e pjesës së dytë, kur pas një prekje të topit me dorë të Lengle atij iu dha përsëri mundësia të gjuante nga pika e bardhë.
