Një aksident i rëndë u regjistrua orët e para të mëngjesit të së enjtes në autostradën Tiranë-Durrës, ku një 18-vjeçar gjeti vdekjen në mënyrë tragjike. Arlis Troplini mori plagë të rënda në aksidenti dhe për fat të keq nuk mundi të mbijetonte. Viktima ishte djali i biznesmenit të njohur Fatos Troplini, pronar i disa bizneseve në Durrës.
18-vjeçari studionte në një universitet privat në Tiranë ndarërsa paraditen e sotme, 18-vjeçari u përcoll për në banesën e tij të fundit.
NJOFTIMI
“Më datë 22.08.2024, rreth orëve të para të mëngjesit, në autostradën Tiranë-Durrës, shtetasi A. T., 18 vjeç, duke drejtuar mjetin tip “Volkswagen”, ka humbur kontrollin mbi drejtimin e tij dhe automjeti ka dalë nga rruga duke rënë në kanal. Drejtuesi i mjetit është dërguar në spital për ndihmë mjekësore, por si pasojë e dëmtimeve të marra ka ndërruar jetë më pas. Materialet i kaluan Prokurorisë,” njofton policia e Tiranës.
