Humbi 3 fëmijët dhe bashkëshortin në aksident, Evis Preka mëson të vërtetën

Evis Preka është njohur mbrëmjen e djeshme me lajmin e kobshëm për vdekjen e burrit dhe të tre fëmijëve të saj, një javë pasi familja u përfshi në aksident.

Aksidenti automobilistik në aksin rrugor Shkodër -Velipojë i mori jetën kryefamiljarit Edmond Preka dhe 3 fëmijëve të tij, djalit 9 muajsh dhe dy vajzave, njëra 5-vjeçe dhe tjetra 10- vjeçe.

Noemi 10-vjeçare arriti të mbijetonte për momentin nga aksidenti dhe për 2 ditë luftoi me vdekjen por nuk arriti dot ta mposhte.

E vetmja e shpëtuar nga ky aksident është nëna 36-vjeçare Evis Preka, e cila ndodhet në spital jashtë rrezikut për jetën.

Kanë qenë mjekët e spitalit, të cilët kanë guxuar dhe i kanë dhënë lajmin gruas, gjendja e së cilës është rënduar edhe më shumë, kur është njohur me tragjedinë.

Mësohet se Evis është shokuar dhe ka shpërthyer në lot e britma në spital, ndërsa mjekët kanë vepruar menjëherë, duke i bërë qetësuar duke e  vënë në gjumë.

Gjendja e saj shëndetësore është jashtë rrezikut për jetën ndërsa ka disa dëmtime në fytyrë dhe pjesë të tjerat të trupit por ajo që po monitorojnë mjekët është edhe rrahjet e zemrës dhe gjithçka tjetër në mënyrë që të mos pësojë të njëjtin fat si të katër të dashurit e saj.