Horoskopi javor: 18 – 24 prill

Dashi

Yjet ju tregojnë se një cikël jete po mbyllet, një fazë po përfundon dhe do të ndodhë një ndryshim i vogël në stilin tuaj të jetës. Kështu, pas një të marte intensive dhe interesante, ku do të mbizotërojë pasioni falë bashkëveprimit mes Marsit dhe Venusit, energjitë tuaja do të fillojnë duke rënë gradualisht. Nuk është asgjë serioze, thjesht një ndryshim itinerari që do të ndodhë duke filluar që nga e diela. Përqendrohuni në gjërat e rëndësishme gjatë ditëve të para të javës që pastaj në fundjavë të shijoni qetësinë që ju jep qielli juaj.

Demi

Kjo do të jetë një javë plot pasion dhe intensive për të lindurit e shenjës së demit, që të martën falë bashkëveprimit të Marsit dhe Venusit do të kenë mundësinë të përjetojnë dashurinë së bashku me personin e zemrës. Megjithatë, gjatë javës do të përqendroheni tek idetë e diktuara prej Mërkurit. Gjatë ditëve të para të javës, falë ndikimit të Neptunit, do të dini t’i merrni gjërat lehtësisht. Kurse të enjten dhe të premten, falë Jupiterit do të jeni optimistë dhe të gatshëm për të vepruar. Në fund do të dini të pasionoheni pas njerëzve dhe situatave. Në fundjavë do të jeni më të qetë. Një moment që ju bën vërtet protagonistë.

Binjakët

Nëse dikush ju bën të humbisni kohë me pasiguritë dhe tensionet e kota, ju do të vendosni së shpejti të kaloni në kundërsulm duke u bërë ju krijuesit e së tashmes. Falë ndikimit të Mërkurit do të jeni në gjendje të veproni sipas mendjes tuaj dhe të fitoni imunitet ndaj gjërave apo personave që ju nervozojnë. Të martën do të ndiheni të shpërqendruar dhe do t’i merrni gjërat më lehtë, të enjten do të përqendroheni te pasioni dhe dashuria, kurse në fundjavë do të ndiheni më të fortë dhe më entuziastë. Do të mbyllni kështu një javë ku do të ndiheni plot ide dhe  të ekzaltuar. Çdo tentativë për t’ju krijuar tension ose lodhje do të duket e kotë.

Gaforrja

Venusi ju bën të ndiheni të emocionuar, gjë që në këtë periudhë nuk mund ta fshihni. Kjo do të jetë një sjellje që s’do t’ju krijojë asnjë problem, do t’ju bëjë që t’i përjetoni punët dhe angazhimet me lehtësi dhe bindje. Mbështetuni veçanërisht te Mërkuri, i cili të martën do t’ju bëjë të ndiheni spontanë dhe delikatë, të enjten optimistë dhe në fundjavë shumë pasionantë. Më në fund qielli duket se po ju lë pak hapësirë dhe kohë edhe për të kuptuar mendimet e atyre që ju qëndrojnë pranë, një rast që do të dini ta shfrytëzoni që të dashuroni me bindje dhe në mënyrë të vetëdijshme.

Luani

Gjithçka duket se po shkon vaj, jeta juaj publike, private dhe personale. Vetëm Mërkuri, planeti i shpejtë dhe i pakontrollueshëm i mendjes, do t’i futet punës për të ndërlikuar pak raportet dhe lidhjet e Luanit. Mjafton t’ua vini veshin yjeve dhe situata do të përmirësohet. Mos merrni përsipër të martën dhe të mërkurën angazhime dhe detyrime të ndërlikuara (argëtimi do të jetë detyrim). Përpiquni t’i merrni gjërat pozitivisht të enjten dhe të premten, edhe atëherë kur të tjerët do të donin t’ju bindnin për të kundërtën. Kursejini energjitë në fundjavë, sepse rrezikoni ta teproni.

Virgjëresha

Yjet rezervojnë gjëra të mëdha për ju dhe Mërkuri duket se e konfirmon këtë. Besojini forcës së qiellit që në këto momente ka dëshirë t’ju përkëdhelë dhe të kujdeset për ju. Harrojini angazhimet e shumta në ditët e para të javës dhe bëjeni këtë gjë në shoqërinë e Neptunit, i cili do t’ju ndihmojë të mos mendoni dhe të shpërqendroheni. Të enjten, dialogu dhe shkëmbimi me partnerin do t’ju bëjë që të përjetoni një fazë fatlume dhe të lehtë. Me pak fjalë, mos shpërdoroni rastin ku do t’i përkushtoheni mbi të gjitha çështjeve të zemrës. Në fundjavë, përballuni me entuziazmin dhe energjinë kur Plutoni do t’ju japë lejen ta ekzagjeroni me pasionet.

Peshorja

Do të jenë Marsi dhe Venusi që do të ndikojnë në mbarëvajtjen e javës tuaj. Venusi ju sfidon të përjetoni më mirë dhe më me bindje çdo raport, edhe atë që keni me veten, ndoshta edhe me anën më pak inteligjente që nuk ju bën të ndiheni krenarë. Marsi ju bën të përjetoni një moment force dhe vendosmërie në zgjedhjet dhe sjelljet tuaja. Por bëni kujdes, së shpejti, pikërisht Marsi do t’ju bëjë të ndiheni të pasigurt, një gjendje humori që s’duhet ta nënvlerësoni në asnjë mënyrë dhe ku duhet të tregoheni më të matur. Mos i besoni gjithmonë gjithkujt, sepse ata mund të gabojnë. Të martën do të jetë dita e përshtatshme për t’iu përkushtuar dashurisë dhe njerëzve të rëndësishëm.

Akrepi

Keni vendosur të jetoni në maksimum dhe të shfrytëzoni çdo rast që yjet dhe planetët ju paraqesin. E si mund t’ju bësh me faj? Përjetojeni të martën sikur të ishte momenti më intensiv dhe interesant i viteve të fundit, sepse rrjedhshmëria e raporteve mes Marsit dhe Venusit do ta bëjnë absolutisht të veçantë dashurinë dhe dialogun. Ndërkohë do të përpiqeni të kuptoni të tjerët, duke ndjekur intuitën tuaj, duke u treguar optimistë dhe pasionantë, aq sa në fund, do t’ia dilni mbanë me sukses. Të dielën, nën ndikimin e Marsit, do të  ndiheni të detyruar t’i ngadalësoni ritmet. Mjafton që të mos keni shumë pretendime.

Shigjetari

Ata që ashtu si ju, gëzojnë mbrojtjen e Zeusit, atit dhe padronit të perëndive, zor se mund të vihen në vështirësi. Do të jeni në gjendje ta provoni këtë në ditët në vazhdim kur do të dini t’i përballoni më mirë sfidat dhe tensionet. Të martën do të jeni në gjendje të zbusni mosmarrëveshjet dhe ta bëni situatën më të këndshme. Të enjten do të jenë të shumta rastet kur do të mund të tregoheni të dashur dhe të hapur ndaj dialogut, atëherë kur bashkëveprimi mes Mërkurit dhe Jupiterit do t’jua lehtësojnë gjërat. Do të jetë paksa më e ndërlikuar situata në fundjavë, një moment gjatë të cilit do t’ju kërkohet të tregoheni më pasionalë ndërkohë që Marsi do të bëjë gjithçka për t’ju ngadalësuar.

Bricjapi

Do të përfitoni nga një moment i rrallë, gjatë të cilit ,nën ndikimin e Mërkurit,  do të ndiheni më mirë emocionalisht dhe do t’i përballoni më lehtë angazhimet. Lejojani vetes luksin që të ndiheni të shpërqendruar të martën, një ditë gjatë së cilës Neptuni, me kaosin që shkakton, do t’ju bëjë të ndiheni të gjallë. Ndihuni më optimistë të enjten (një cilësi e rrallë kjo për shenjën tuaj), kur ambicia s’do t’ju bëjë t’ju dhembë koka. Shfrytëzoni fundjavën për të kuptuar më mirë pasionet, dëshirat, mendimet dhe gjendjen tuaj shpirtërore. E diela është dita e përshtatshme për të reflektuar.

Ujori

Jo gjithmonë qetësia në punë duhet përjetuar si humbje apo si provë e paaftësisë. Përkundrazi, provoni të dialogoni më mirë për çështjet private dhe ato që kanë lidhje me të tjerët. Periudha më e përshtatshme për ta bërë këtë është gjatë ditëve të para të javës. Por ama bëjeni pa injoruar zërin tuaj të brendshëm, ai që ju kërkon llogari dhe ju këshillon, si edhe që ju pëshpërit gjëra të rëndësishme. Lejojani vetes gjërat që ju bëjnë të ndiheni më mirë dhe që ju ndihmojnë të ëndërroni dhe të besoni në një të tashme më të mirë. Të dielën, tërheqja e Marsit mund të bëjë që t’ju lindin dyshime për cilësinë e profesionit.

Peshqit

Falë mënyrës suaj të të vepruarit do të perceptoni tensione dhe lodhje. Por ama, pesha e angazhimeve do të jetë më e durueshme, duke ju dhënë kështu mundësinë që të mendoheni dhe t’u përkushtoheni edhe gjërave të tjera zbavitëse. Do të mendojë Mërkuri që t’ua bëjë më të këndshëm çdo moment, që t’ju ndihmojë ta përjetoni më mirë dashurinë (sidomos nga mesi i javës) duke ju bërë që të ndiheni më të emocionuar dhe të takoni persona pasionantë (sidomos në fundjavë). Me pak fjalë, këtë herë do t’ju mjaftojë të dini të prisni favorizimin e yjeve.