Horoskopi ditor: 9 prill 2016

Dashi

Keni dëshirë të kaloni pak kohë jashtë shtëpisë, ndoshta duke bërë ndonjë shëtitje. Keni disa gjëra për të menduar dhe mënyra më e mirë për ta bërë, është duke qëndruar vetëm. Nuk do arrini të merrni asnjë vendim, por mos harroni se ndonjëherë zgjidhjet vijnë atëherë kur nuk e prisni.

Demi

Do e keni mendjen tek disa probleme lidhur me paratë, por do e kuptoni se situata nuk është dhe aq keq saç e mendoni ju. Mundohuni të shihni anën pozitive të gjërave. Gjendja do të normalizohet brenda pak ditëve, kështu që s’ka nevojë për shqetësim të tepërt.

Binjakët

Sot do të ngriheni pak të mërzitur dhe me një pamje të lodhur. Mos bini pre e kësaj gjendjeje, por merruni me ndonjë aktivitet sportiv për tu gjallëruar dhe për ta vazhduar ditën me energji. Keni nevojë për pak çlodhje mendore.

Gaforrja

Sot do të ndjeheni pak në ankth për një projekt të lënë përgjysmë, të cilin duhet ta përfundoni brenda një afati të caktuar. Për momentin nuk keni ide shumë të qarta se si duhet të vazhdoni punën, por do të ishte mirë sikur të bënit disa ditë pushim. Do e shihni që në vazhdim, idetë do ju vijnë vetvetiu dhe do të keni më shumë produktivitet.

Luani

Sot keni shumë dëshirë që të dilni dhe të kaloni kohë me miqtë tuaj. Ndoshta disa prej tyre mund të jenë të zënë, por mund të organizoni takime ditët e tjera. Nëse nuk arrini të bëni plane për të dalë, një mbrëmje e qetë në shtëpi do të ishte perfekte.

Virgjëresha

Sot do të merrni ftesë për një aktivitet social, tek i cili keni shumë dëshirë për të vajtur. Pjesëmarrësit janë persona shumë të rëndësishëm dhe do të keni mundësi të krijoni shumë kontakte të reja. Puna mund t’ju krijojë pengesë, por mundohuni të gjeni një mënyrë për ta përfunduar shpejt dhe për të qenë pjesë e tij.

Peshorja

Mund t’ju vijë një mundësi për të udhëtuar në një vend, të cilin keni pasur gjithmonë dëshirë ta shihni. Ky mund të jetë udhëtim pune, por ju mezi po e prisni. Mundohuni që të lini të gjitha gjërat në rregull përpara se të ikni dhe nuk ju ngelet gjë tjetër, veçse ta shijoni.

Akrepi

Ndjeheni pak të mërzitur me gjendjen në të cilën ndodheni dhe keni nevojë për të bërë diçka ndryshe në mënyrë që të thyeni rutinën. Kalojeni pasditen në një vend që nuk keni qenë asnjëherë më parë dhe eksperimentoni gjëra të reja. Herë pas here, është i nevojshëm ndryshimi.

Shigjetari

Dëshira për tu takuar me partnerin/en tuaj sot është shumë e madhe. Të dy palët do të jeni të zënë me punë, por sa më shpejt ti mbaroni, aq më shumë kohë do të keni për ta kaluar bashkë. Nëse sot nuk keni mundësi, prisni dhe një ditë më shumë.

Bricjapi

Teprimi me ushqimin, do ju bëjë të ndjeheni keq dhe do të shtoni më shumë seç duhet në peshë. Kujdesuni për veten dhe konsumoni vetëm gjëra të shëndetshme. Gjithashtu, do të ishte mirë të merreshit me ndonjë aktivitet fizik, për të çliruar çdo energji negative.

Ujori

Keni dëshirë të kaloni ditën me miqtë dhe partnerin/en tuaj, por do e keni pak të vështirë për të bërë plane. Kjo do ju mërzisë pak dhe do të ndjeheni të lënë pas dore. Përpiquni ti kuptoni dhe në qoftë se keni mundësi, mund ti riorganizoni planet për ditën e nesërme.

Peshqit

Një pjesëtar i familjes do të jetë pak i shqetësuar dhe nuk po arrini të kuptoni arsyen pse. Mundohuni ta mbani afër dhe kur të ndjehet gati, do e tregojë vetë situatën. Do e kuptoni më vonë, se gjërat nuk janë dhe aq serioze saç duken. Fokusohuni tek anët pozitive.