Horoskopi ditor: 3 tetor 2016

Dashi

Sot është dita për të balancuar energjitë rreth jush. Është e rëndësishme që të shprehni gjithmonë atë që ndjeni dhe mendoni, pavarësisht se mund të jetë ndryshe nga të tjerët. Ndonjëherë, debatet janë tepër konstruktive dhe nëse dikush bën një lëvizje të gabuar, vërini në dukje mënyrat se si mund të veprojë ndryshe. Me shumë mundësi personi do t’ju mirëkuptojë.

Demi

Një prej karakteristikave tuaja më të mira është dhembshuria. Kjo iu ndihmon të krijoni lidhje më të forta me personat që ju rrethojnë. Tregojuni këtyre personave se sa të rëndësishëm janë për ju dhe se do të bënit gjithçka për t’i ndihmuar. Në këtë mënyrë, ata do t’jua shpërblejnë me besim dhe mirënjohje.

Binjakët

Tregohuni të kujdesshëm në menaxhimin e situatave të tensionuara sot. Mundohuni të mos përfshiheni në konflikte që nuk ju takojnë, por lërini të tjerët të zgjidhin vetë çështjet e tyre. Rrethojeni veten me qetësi dhe do të kaloni një ditë tepër të këndshme. Keni nevojë për ditë të tilla.

Gaforrja

Sot jeni të hutuar dhe nuk po arrini të përfundoni punët, të cilat kanë qenë gjithmonë të thjeshta për ju. Ndoshta kjo është një shenjë për t’ju treguar që keni nevojë për pushim. Ju duhen disa ditë për të rifituar energjitë dhe do ta shihni që më pas do të keni një rendiment shumë të lartë në punë. Herë pas here, ndryshojeni rutinën.

Luani

Tregohuni të kujdesshëm me mënyrën dhe personat me të cilët kaloni kohën. Mos shpenzoni të gjitha energjitë me persona, të cilët ndoshta nuk i meritojnë, por përqendrohuni vetëm tek rrethi juaj i ngushtë shoqëror. Nëse miku juaj i ngushtë ka nevojë për ndihmë, mos ngurroni t’ia jepni.

Virgjëresha

Për disa persona, është e vështirë të dalin nga guaska ku janë strukur, kështu që tregohuni të kujdesshëm me ta. Mënyra e përshtatshme për t’i bërë të ndjehen mirë, është t’u japësh kohën dhe hapësirën e duhur. Gjithashtu, tregojuni që do t’i mbështesni në çdo vendim që do marrin. Besimi është ai që do të rrëzojë murin e krijuar prej tyre.

Peshorja

Një prej gjërave më të rëndësishme në punë, është të kënaqeni gjatë kohës që punoni. Optimizmi dhe një sjellje pozitive iu ndihmon ta kaloni ditën sa më lehtë. Megjithatë, mos lejoni që kjo t’ju shpërqendrojë nga qëllimi kryesor. Herë pas here, bëni dhe pushime të shkurtra gjatë punës.

Akrepi

Kreativiteti juaj, mund t’i bëjë kolegët të ndjehen të “kërcënuar” prej jush. Nëse kanë nevojë, ofrohuni ndihmën tuaj, por mos lejoni që t’ju pengojnë në rrugën që keni nisur. Ndiqni idealet tuaja dhe mos lejoni që të tjerët t’jua hedhin poshtë. Nëse i keni vënë qëllim vetes, asnjë nuk do mund t’ju ndalojë.

Shigjetari

Kohët e fundit keni patur dëshirë të fitoni eksperienca të reja. Po e shihni me një sy tjetër jetën dhe kjo ju ka bërë më vigjilentë ndaj mundësive të reja. Duke patur kërkesa më të larta për veten do të shtohet dhe puna që do bëni. Kjo do t’ju marrë shumë kohë, por të paktën do të jeni të lumtur me zgjedhjet tuaja.

Bricjapi

Sot mund të jeni të vetmit në humor të mirë, pasi disa persona rreth jush, duket se janë të shqetësuar me disa çështje të caktuara. Keni dëshirë t’i ndihmoni dhe t’i sillni në humor, por do ta shihni që përpjekjet tuaja janë të kota. Ata janë të vendosur ta kalojnë ditën në këtë gjendje, kështu që mos lejoni që t’ju tërheqin dhe ju me vete. Fokusohuni tek gjërat pozitive dhe kalojeni ditën me buzëqeshje.

Ujori

Ju konsideroheni si një model për t’u ndjekur nga personat e tjerë. Keni arritur shumë në jetë dhe mos ngurroni të thoni mendimin tuaj në mënyrë që të frymëzoni dhe të tjerët. Edhe nëse personat nuk kërkojnë në mënyrë të drejtpërdrejtë mendimin tuaj, janë kuriozë të dëgjojnë atë që keni për të thënë.

Peshqit

Sot ju duhet te merreni me disa punë në grup, por jo të gjithë janë në të njëjtën faqe. Kjo mund të shkaktojë disa situata të tensionuara, kështu që tregohuni të kujdesshëm në komunikim. Mundohuni t’i menaxhoni situatat me qetësi dhe gjërat do përfundojnë me sukses. Për fat të mirë, marrëdhëniet me kolegët do forcohen.