Çdo vit numri i pjesëmarrësve nga familja Kardashian-Jenner në “Met Gala” shtohet. Të hënën ishte radha e Kylie Jenner për të shkuar në mbrëmjen e modës për herë të parë.
Ajo kishte veshur një fustan Balmain dhe u paraqit me një model të ri flokësh. 19-vjeçarja kishte bërë një prerje bob dhe sigurisht kishte përdorur produkte të linjës së saj kozmetike për të bërë make-up-in.
“Kjo është mbrëmja ime e parë dhe jam shumë e entuziazmuar të shikoj se çfarë kanë veshur të gjithë”, ka thënë ajo.
Por në fakt, bukuria ka sakrifica! Kjo shprehje vlen shumë mirë për të, ndërsa ne nuk mund ta besojmë se si ajo duroi gjatë mbrëmjes fustanin e saj.
Në një foto pas eventit Kylie ka postuar një foto ku tregon këmbët e saj të gërvishtura nga fustani dhe të vrara nga këpucët.
Për këtë arsye ajo u detyrua që të hiqte këpucët pasi u fut brenda (veprim aspak i hijshëm).
Burimi: People
