Astrologia e njohur turke, Aysun Koç ka bërë një parashikim të fortë lidhur me tërmetin që goditi disa ditë më parë qytetin e Izmirit dhe shkaktoi 58 viktima.
Parashikuesja Koç, ia ka “hedhur fajin” për tërmetin, fenomenit të ashtuquajtur “hëna blu”, e cila ndikon sipas saj dhe tek tërmetet, duke theksuar se rreziku i tyre në Turqi do të vazhdojë deri më 16 nëntor.
Sipas astrologes, meqënëse fenomeni i hënës blu ndodh vetëm në bashkëpunim me një planet tjetër, hëna do të jetë në bashkëpunim të plotë me Uranin dhe si pasojë do të ndodhin shumë të papritura.
Ajo shton se edhe spitalet do të mbushen për shkak të pandemisë së Covid-19 dhe se do të ketë zhvillime edhe në burgjet e vendit.
“E treta është se fatkeqësisht parashikohet edhe një çekuilibër i vazhdueshëm ekonomik. Si vend, ne mund të jemi subjekt i armiqësive të fshehura,”- ka thënë astrologia.
Kujtojmë se fenomeni i Hënës së Plotë Blu, zhvillohet normalisht çdo 3 vjet, por gjatë këtij viti u pa nga Toka qartësisht për herë të parë pas 76 vitesh./Iconstyle.al
