Harrojini printet me lule, këtë verë do t’i zëvendësoni me ato të qershisë

E Marku Postuar ne 13 Qershor 2018,11:50:52

Mbase jeni përgatitur për të veshur rroba me lule edhe këtë verë, ashtu si çdo verë ku garderoba juaj freskohet me printe me lule dhe shumë ngjyra.

Por jo, këtë verë harrojini lulet sepse printet me frutin e qershisë do të bëjnë namin gjithandej në veshjet e blogereve.

Dizajni i frymëzuar në vitet ’90 filloi të shpërthejë që në shkurt dhe për herë të parë u prezantua në koleksionin e intimeve të J. Crew-it. Më vonë ishte marka HVN që u bashkua me një koleksion të ri që përfshinte triko me qershi, pantallona dhe kapele me printe qershi.

Tani qershitë janë kudo, në këpucë, bizhuteri, çanta, madje edhe pajisje të teknologjisë dhe shtëpisë. Lexoni për të gjitha mënyrat e ndryshme për të blerë trendin.