Me siguri të gjitha ia keni bërë vetes dhe mikeshave tuaja pyetjen se sa gjatë duhet t’i mbani thonjtë me xhel, në mënyrë që thoi juaj të mos dëmtohet. Me plot bindje, secila prej përgjigjeve ka qenë ndryshe nga tjetra dhe askush nuk e di saktë se cila është koha e duhur që ju duhet të mbani xhelin në thonj, para se ta ndërroni apo ta hiqni.
Sipas ekspertëve, nëse i mbani thonjtë për më shumë se dy javë, po bëni gabim!
Periudha e duhur kohore për të mbajtur thonjtë me xhel, pa rrezikuar mirëqenien e thonjve, është dy javë. Edhe pse thonjtë mund t’ju duken në formë perfekte dhe s’kanë nevojë të ndërrohen, nëse nuk i hiqni mund të dëmtoni thoin tuaj.
“Sa më gjatë ta mbani xhelin në thoin tuaj, aq më shumë konservohet, duhe e bërë të pamundur heqjen e tij.”- shprehet ekspertja Evelyn Lim për “Cosmopolitan”.
Zgjidhja më e mirë është të shkoni tek estetistja juaj pas dy javësh, që t’ju heqë xhelin në mënyrën e duhur, pa dëmtuar thonjtë tuaj. Nëse deri tani nuk keni vepruar kështu, është koha të bëni ndryshime!
