Kantautori Flor Mumajesi është gjithmonë hermetik kur bëhet fjalë për historitë e tij të dashurisë.
Pak kohë më parë u përfol se këngëtari i hitit “Me zemër” ishte në një lidhje dashurie me moderatoren nga Kosova Liberta Spahiu. Flori nuk e komentoi asnjëherë këtë lajm, ndërkohë që Liberta u shpreh se nuk e kishte problem të ishte nuse në Tiranë.
Por një foto e postuar nga kantautori shqiptar në profilin e tij në Instagram, na bën të dyshojmë. Të jetë vallë Liberta, vajza misterioze e veshur me rozë, apo Flori ka hedhur pas krahëve historitë e vjetra të dashurisë e ndodhet në një lidhje të re?
