Është e vështirë në ditët e sotme që t’i shpëtosh botës së teknologjisë, por sa përfshihesh në të është zgjedhja e gjithkujt.
Një i ri shqiptar, i cili që në moshën 12-vjeçar ishte kthyer në specialist kompjuterësh, u arrestua pasi u vidhte të dhëna njerëzve duke hakeruar profile të ndryshme në rrjetet sociale dhe adresa e-maili.
Pas 6 muajsh hetime, Policia e Tiranës arrestoi 20-vjeçarin Arben Bozhiqi, i cili dyshohet se ka ndërhyrë në mbi 3000 adresa të rrjeteve sociale, nga viti 2000.
I riu nga Peqini dhe banues në Laprakë akuzohet për veprat penale “Ndërhyrje në të dhënat kompjuterike”, “Falsifikim kompjuterik” dhe “Hyrje e paautorizuar kompjuterike”.
Gjatë kontrollit në banesën e tij u gjetën:
– U gjetën 11 profile të rrjetit social “Facebook” me të dhëna të rreme të cilat administroheshin dhe përdoreshin nga shtetasi Arben Bozhiqi.
– Gjatë këqyrjes së profileve që administroheshin nga ky shtetas u gjetën foto intime të vajzave të ndryshme, disa prej të cilave dyshohet se kanë qenë minorene në kohën kur këto foto janë realizuar, si dhe dyshohet se këto foto janë marrë nëpërmjet marrjes së adresave të rrjeteve sociale të këtyre shtetaseve.
– Mbi 1200 adresa të ndryshme të postës elektronike (e-mail, hotmail, yahoo, live etj., të shtetasve të ndryshëm.
– Mbi 400 kode hyrjeje për adresa të ndryshme të rrjeteve sociale të shtetasve të ndryshëm etj.
– Mbi 100 adresa (URL) të faqeve të ndryshme të rrjetit social “Facebook” të shtetasve të ndryshëm.
– Mbi 50 link-e (adresa) të ndryshme të cilat janë përdorur në periudha të ndryshme kohore për të marrë (phishing) kodet e hyrjes së adresave të ndryshme të postës elektronike, rrjeteve sociale etj.
Burimi: BalkanWeb
