Për herë të dytë brenda dy javësh, Ministria e Brendshme është grabitur dhe ende nuk janë identifikuar autorët.
“Top Channel” raporton se grabitja e fundit është bërë ditën e djeshme, brenda institucionit ku janë vjedhur kondicionerë, printera dhe skanera.
Prokuroria e Tiranës ka hapur tashmë hetimet për gjetjen e autorëve, ku nuk përjashtohet edhe rasti i mundshëm se mund të jenë punonjës të brendshëm.
Ndërkohë, sipas “Report TV” mësohet gjithashtu se edhe dy javë më parë ka ndodhur po një tjetër vjedhje në parkun e Ministrisë, ku janë grabitur pjesë këmbimi makinash.
Grabitjet e njëpasnjëshme kanë ngritur dyshime të forta për stafin e institucionit, të cilët do të jenë në monitorim.
/Tirana Post
