Edlira Mara dhe Alba Ahmetaj, u kurorëzuan për martesë disa javë më parë në tarracën e Bashkisë së Tiranës gjë që shkaktoi reagime të forta në publik.
Pas kësaj ato paditën zyrën e gjendjes civile pranë njësisë administrative nr 2, ku i kërkuan Gjykatës së Lartë që ta detyrojë t’i regjistrojë dy binjakët me nëna paditëset.
Mirëpo kjo kërkesë e bërë prej tyre është rrëzuar prej Gjykatës së Lartë.
Vendimi u dha nga kolegji administrativ, ndërkohë që të pranishme ishin edhe Mara dhe Ahmetaj.
Në argumetimin e rrëzimit të kërkesës, Gjykata e Lartë është shprehur se kjo kërkesë, nuk bazohet në Kodin e Familjes të Republikës së Shqipërisë dhe për këtë arsye Gjykata nuk mund të marrë një vendim i cili nuk bazohet në Kodin e Familjes.
