Një gjinekologe e infektuar me koronavorus është bërë shkak për mbylljen e një materniteti të tërë në qytetin e Lushnjes.
Tamponi u është marrë të gjithapunonjëseve të spitalit, dhe deri në rezultatet e tyre, puna është pezulluar.
Pas mbylljes së maternitetit “Ihsan Çabej”, vizitat mjekësore të grave shtatzëna do të zhvillohen në ambulancat dhe qendra shëndetësore të qytetit.
Më herët është mbyllur edhe reparti i Gjinekologjisë në maternitetin e Elbasanit, pasi 4 infermiere rezultuan të infektuara.
Numri i viktimave nga COVID-19 ka shkuar në 228 në total. Po kështu, dje kanë humbur jetën 2 qytetarë nga Tirana, një 64 dhe një 78-vjeçar dhe një 82-vjeçare nga Elbasani.
Tashmë janë 3358 qytetarë të infektuar, ndërsa 12 persona të shtruar janë rëndë edhe pse kanë rezultuar negativ në testin për COVID.
