Një situatë e pazakontë dhe e papritur ka tronditur ndjekësit e Big Brother VIP Albania, pasi dyshohet se Gjesti ka kapërcyer murin e oborrit dhe ka lënë shtëpinë. Ngjarja ka ngjallur reagime të shumta në rrjetet sociale, ku fansat po diskutojnë rreth motiveve dhe pasojave të këtij veprimi.
Mirëpo një video që po qarkullon masivisht në rrjet, tregon një bisedë mes Gjestit dhe Egflit, ku reperi nga Peja shprehet se është gati të “bëjë një rrezikim.” Kjo deklaratë ka shtuar dyshimet se ai mund ta ketë planifikuar paraprakisht largimin nga shtëpia.
Rrezikimi qe tha dje erdhi sot. rrezikim sepse ose do e mbajne ose do perjashtohet. #bbvipal4 #bbvipal pic.twitter.com/VcEFJVFf3x
— itsAmarildo (@AmaBossss) February 26, 2025
Megjithatë, momenti i saktë i kapërcimit të murit nuk është bërë publik, duke ngritur pikëpyetje mbi atë që ka ndodhur realisht. Për më tepër, banorët kanë nisur të diskutojnë për situatën brenda shtëpisë, por në një lëvizje të papritur, produksioni ka fikur mikrofonat, duke lënë shumë hapësirë për spekulime dhe teori konspirative nga fansat.
Nëse veprimi i Gjestit konfirmohet, ai mund të përballet me pasoja të rënda, pasi rregullat e Big Brother VIP Albania janë të rrepta në lidhje me daljen jashtë perimetrit të shtëpisë. Aktualisht, produksioni nuk ka bërë asnjë deklaratë zyrtare, ndërsa ndjekësit e spektaklit presin me padurim se si do të zhvillohet situata në ditët në vijim.
