Gjesti ka hapur zemrën dhe ka ndarë ndjenjat e tij për lidhjen që kishte me Xheneta Fetahun gjatë pjesëmarrjes së tij në “Big Brother VIP Kosova 3”. Në një “intervistë “me Egli Takon, ai ka theksuar se ka pasur ndjenja të forta për Xhenetën dhe se, për aq pak sa kanë qenë së bashku, e ka dashur me të vërtetë.
Ndër të tjera, këngëtari ka shprehur se është lënduar shumë nga situatat që u krijuan dhe ka theksuar se është prekur vazhdimisht nga ato që ndodhën mes tyre gjatë kohës në shtëpi. Gjesti ka theksuar se ai i kishte dhënë shumë rëndësi lidhjes dhe ka pasur shumë pritshmëri, por gjithsesi ka ndjerë dhimbje për mënyrën si u zhvilluan gjërat.
“Thjesht kam qenë i lidhur me të. Kam pasur ndjenja për të, e kam dashur. Aq kohë sa kemi ndenjur s’kam mundur pa të. Jam lënduar për një gjë më të vogël. Jam prekur shumë”, u shpreh ai.
“Shumë kam qenë i lënduar, se di si e kam mbajtur veten, plus mërzitja, plus gjëra tjera personale. Krejt më janë mbledhur. Si kam mundur të duroj”, theksoi artisti pejan.
