Gënjeshtra i ka këmbët e shkurtra/ Ja mashtrimi i Veliajt me prurjet e reja të artistëve në PS

Kryetari i bashkisë Erion Veliaj ka filluar prej disa ditësh që të postojë në rrjete socialet foto dhe video me artistë që sipas tij i bashkohen Partisë Socialiste.

Por ajo që bie në sy është se shumica e tyre kanë qenë prej kohësh pjesë e Partisë Socialiste dhe nuk kanë lënë media pa dalë dhe pa bërë propogandë për PS-në.

Veliaj është munduar që t’i zgjedhë nga të gjitha fushat, por kënga është ajo që ka më shumë.

Në radhë të parë të gjithë këta artistë (këngëtarët) kanë tradhtuar kolegët e tyre të cilët janë penalizuar jashtë mase shumë nga qeveria shqiptare që vendosi që të mos lejoheshin koncertet dhe mos të hapeshin lokalet ku këndohej live.

Ndoshta gjithësecili do të mendojë se kjo ka qenë një gjë e drejtë, por nuk mund të jetë e drejtë që ti si qeveri të zhvillosh mitingje dhe koncerte pa fund me qëllim elektoral dhe të ndalosh këngëtarët që të këndojnë dhe të fitojnë para për të jetuar.

Të gjithë e dimë se sa shumë paguhen këngëtarët në vendin tonë, dhe shumica prej tyre e kanë punë me rrogë bazë ku në fund të muajt duhet të ushqejnë familjen.

Shumica e këngëtarëve që Veliaj ka prezantuar gjithashtu janë edhe këngëtar që i shikon në çdo festë publike që zhvillon bashkia.

IconStyle.al ka vendosur që t’i marrë një nga një disa nga emrat e artistëve që Veliaj ka prezantuar si prurje të reja në PS.

Redi Jupi- Ai është anëtar këshilli në Bashkinë Tiranë. Në fushatën e kaluar ai shprehej: “Në fakt, kushdo nga pjesëtarët e grupit do të mund ta mbante shumë mirë këtë fjalë, por duke qenë se unë kam luajtur me 3 ekipet e kryeqytetit, dhe kam fituar trofe me të gjitha do i përfaqësoj siç duhet, ashtu siç edhe Bashkia e Tiranës ka përfaqësues qytetarët e saj në 4 vitet e kaluar por edhe në 4 vitet në vazhdim. Unë do të doja të falenderoja Erionin për përzgjedhjen, por edhe PS-në e Tiranës sepse jam edhe zgjedhja e tyre në këtë post për kandidat.

Valbona Selimllari- Ajo është emëruar këshilltare e Veliajt që në vitin 2017.

Roland Hysi- Njihet si mbështetës i Partisë Socialiste prej vitesh tashmë, madje në vitet që Veliaj nuk kishte asnjë lidhje me PS-në. Grupi i tij West Side Family madje ka bërë edhe një këngë “Tirona” me kryeministrin Edi Rama.

Gazmend Paja- Ashtu si Redi Jupi edhe merr rrogë si këshilltar në këshillin bashkiak të Tiranës.

Iris Luarasi- Pedagogia e gazetarisë ka vite e vite që i çirret zëri duke mbrojtur partinë socialiste në çdo dalje të saj publike.

Rovena Dilo- Para pak kohësh asaj do t’i prishej lokali që kishte në bllok dhe do të shprehej: PD dhe PS janë bërë fort të dyja bashkë dhe këta njerëz luftojnë kundër pronarëve të ligjshëm të familjes sime, nëpërmjet një truku të shëmtuar.

Por se çfarë e ka bërë Rovenën që të ndryshojë mendim pasi PS i mori lokalin, akoma nuk e dimë.

Gerti Shima- dhëndri i Vladimir Gjonaj, Drejtori i Sporteve në Ministrinë e Arsimit dhe Sportit.

Kastro Zizo- Ka braktisur LSI-në për PS-në. Ka qenë shok klase me bashkëshorten e Veliaj, Ajola Xoxen./Iconstyle.al/