Grimi është një ritual i përditshëm. Femrat janë aq shumë të fiksuara saqë edhe tek dyqani i lagjes nuk dalin dot pa u grimuar. Të gjitha femrat bëjnë gabime kur grimohen, por duke marrë parasysh disa këshilla mund t’i evitoni dhe të bëni një grim profesional.
Së pari duhet të fillojmë me pastrimin e fytyrës, e cila është jetike për çdo tip lëkure duke qenë e pamundur përhapja e mirë e fondatinës.
Dhe kur bëhet fjalë për fondatinën sido qoftë ajo (krem, lëng ose e ngurtë) duhet të përhapet në mënyrë të njëtrajtshme drejt veshëve, qafës. Ajo duhet të jetë me ngjyrë të përafërt me të lëkurës në mënyrë që të shmanget kontrasti.
Në mënyrë të ngjashme, duhet shmangur ndryshimi i tonalitetit të saj me ndërrimin e sezonit. Rregulli është që duhet përdorur gjithmonë i njëjti ton, në shtresë të hollë në mënyrë që të shmanget efekti i maskës.
Duhet të themi se korrektori shërben vetëm për të mbuluar defektet dhe jo për të bërë më të dukshme zonën rreth syve.
Shmangni tonin për skuqjen e faqeve dhe lapsin për vetullat. Por gjithashtu edhe lapsin për konturet e buzëve.
