Këtë verë Forbes, në konferencën vjetore Women’s Summit në New York u rrethua nga 3000 lidera botërorë femra si Jessica Alba, Ina Garten e shumë të tjera. Një nga gjërat që theksuan femrat më të fuqishme në këtë konferencë ishte ‘Fuqia e të thënit jo, për të lënë impakt si lider’. Sot quhet si një fuqi e fshehur pasi askush nuk e di vërtet kuptimin e një fuqie pas fjalës ‘jo’.
Sërish, shpesh e kapim veten duke thënë jo dhe për ta ndryshuar këtë kemi listuar disa nga arsyet përse tërhiqemi për të mos thënë jo.
- Nuk dëshirojmë të zhgënjejmë apo të ofendojmë
Kur formon lidhje të forta ato i japin kuptim jetës suaj. Nga këto lidhje mund të ndiheni shpesh se mohimi apo refuzimi i një kërkese do të konceptohej si ofendim dhe do të zhgënjente palën tjetër. Kjo i drejtohet marrëdhënies tuaj me shefin, miqtë apo anëtarët e familjes. Mos mendoni se frika ju ndihmon në mbajtjen e lidhjeve të forta sa më e hapur të ndiheni në shprehjen e mendimit real aq më mirë.
- Ju nuk dëshironi të humbisni një mundësi
Gjatë konferencës së femrave, Ina Garten foli shumë për faktin se disa mundësi bën mirë edhe që t’i humbisni pasi nuk ka asnjë problem dhe gjithmonë do të shfaqen të tjera. Të gjithë që kanë kaluar në hapat e suksesit e dinë se është shumë e thjeshtë të thuash gjithmonë po, dhe kur mundësitë janë pafund do e keni më të vështirë të përzgjidhni se cila është më e mira për ju.
- E shihni si një shenjë dobësie
Totalisht e kundërta, të thuash jo është super fuqia e një njeriu që di të balancojë mundësitë që vinë. Mos e shihni të thënurit jo si një dështim por si një letër që do e përdornit mirë për të treguar rolin tuaj në shoqëri.
- Nuk ndiheni të sigurt për të thënë ‘jo’.
Praktikë dhe vetëm praktikë! Ndërsa gjithë jetën keni shkuar pas pranimit të çdo mundësie, tani filloni praktikoni artin e të refuzuarit për të parë se si do të reagonin edhe njerëzit rreth jush. Ku i dihet ndoshta një mundësi edhe më e mirë do të trokiste në derën tuaj.
- Do t’i jepnit vetes hapësirë për të menduar.
Kur përgjigja e vetme që jepni është po, pas kësaj mund të vinë shumë vendime të tjera kaotike që do të merrnin 100% vëmendjen tuaj. Ndërsa kur refuzoni ju peshoni më mirë të mirat e të këqijat që do të ndiqnin pas atë mundësi. Mos harroni vetëm se fuqia qëndron në përballimin e të mohuarit me vetëbesim.
Nga Rea Lemnusha
