Pjesëtarët e familjes së Muhammad Ali ngushëlluan njëri-tjetrin, gjatë një funerali privat prej dy orësh të mbajtur sot, në qytetin ku do të prehet trupi i legjendës së boksit.
Vajtuesit u mblodhën në “A.D. Porter & Sons Funeral Home” në Louisville për funeralin. Familjarët dhe miqtë u paraqitën në vendin ku u vendos trupi i Muhammad Ali, pasi qindra mbështetës ishin mbledhur më herët në një shërbim lutjeje tradicionale myslimane në Kentucky, për të kujtuar jetën e jashtëzakonshme të legjendës së sportit.
Shërbimi sipas riteve myslimane zgjati të paktën një orë për boksierin kampion, i cili ndërroi jetë të premten, 3 qershor, në moshën 74-vjeçare pas një beteje prej 32 vitesh me sëmundjen Parkinson.
E veja e tij dhe gruaja e katërt, Lonnie, vajzat Laila dhe Hana, mbesa Sydney u fotografuan të trishtuar gjatë shërbimit funeral, që shënon ditën e dytë të cereomisë së nderimeve të Muhammad Ali.
Pas shërbimit trupi i Ali-s u kthye në shtëpinë e funeralit dhe njerëzit e ngushtë të tij zhvilluan një shërbim privat.
Vëllai më i ri i boksierit, Rahman Ali, 72 vjeç, u dallua me gruan e tij Caroline, duke drejtuar pjesëtarët e tjerë të familjes jashtë në parkingun e ndërtesës.
Funeral sipas ritit mysliman për legjendën… by icon-style
Burimi: Daily Mail
