Tezja e Sibora Abedinit, 27-vjeçares që i dha fund jetës duke u hedhur nga tarraca e katit të katërt e banesës ku jetonte me qira, ka ngritur akuza të forta në media. Ajo pretendon se mbesa e saj nuk është vetëvrarë, por aludoi se e kanë vrarë persona të tjerë.
Tezja e drejtoi gishtin drejt Altin Çokut, i cili është personi që u arrestua si i dyshuari që publikoi foton e saj intime në rrjete sociale.
Punonte te shtëpia e tij pastruese, ca ka ndodh unë nuk e di. Punoi dy tre ditë pastaj e la se si duket filluan kërcënimet e problemet e tjera. Goca nuk e ka bërë një gjë të tillë vetë. Njerëzit që kishin publikuar fotot, tani e kanë ndryshuar foton që do të thotë nuk ka dorë vetëm ai plehra, ka dorë edhe dikush tjetër. Policia ka një video ku ka ndodh çdo gjë, nuk na ka lajmëruar.
Është një legen që ma mori gocën në qafë, i ka bërë foto. Unë jam tezja, unë e kam rritur atë gocë, ajo me ne është rritur. Nuk janë të vërteta lajmet që kanë dhënë deri tani. E vërteta është që gocën time e kanë vrarë. Kanë ardhur këtu, e kanë shtyrë. Ajo nuk do e kishte lënë kurrë vajzën 2-vjeçare. Atë e kanë vrarë, ai personi që është arrestuar.
Goca do vinte te unë në Itali, ai nuk e di çfarë i bëri. Ose mori vesh që do vinte në Itali dhe e ka vrarë. Ajo nuk e ka vrarë veten dhe lajmet nuk janë të vërteta. Ajo kishte një problem me bashkëshortin dhe ishte një ndarje për momentin, ndoshta do bashkoheshin prapë.
Ndërkohë që nëna e 27-vjeçares në një intervistë thotë:
Goca nuk e ka vrarë veten, gocën ma vranë. Vuri gocën e vogël në gjumë dhe u ngjit të pinte cigare. Prandaj nuk e di çfarë ka ndodhur. Gocën ma kanë hedhur, nuk është hedhur. Të kishte qenë në depresion ajo nuk do e linte kurrë gocën. Që 1 muaj ishte këtu tek ne.
View this post on Instagram
