Sot u mësua se 33-vjeçar nga Korça, edhe pse në moshë të re është në gjendje shumë të rënduar shëndetësore në spitalin e Infektivit pas infektimit me koronavirus.
Te riut, i cili është edhe menaxher i një lokali, i është bërë dy herë analiza dhe herën e parë doli negative ndërsa të dytën pozitive.
Banorët e zonës ku ndodhet lokali thonë për “ABC News” se nuk është dizifektuar lagjja dhe se janë shumë të shqetësuar.
“Lajmin e dëgjuam në media, jemi shumë e shqetësuar. Kemi dritaren e kuzhinës në oborrin e tyre. Duhet bërë ndonjë dezinfektim dhe nuk dimë kë të lajmërojmë”, u shpreh një e moshuar.
Një tjetër e moshuar tha për “ABC News” se nuk kishin pasur kontakt, por janë të frikësuar:
“Lokali është mbyllur këtë javë, pas datës 10. Jemi shumë të frikësuar, por nuk kemi pasur kontakt”, u shpreh ajo.
33-vjeçari dyshohet se ka pasur kontakte të shumta edhe për shkak të punës. Në datën 8 mars në ambientet e lokalit ku punonte është organizuar një festë e madhe për ditën e Gruas.
Ndërkohë sot u raportuan edhe dy raste të tjera me COVID-19 në Korçë, një çift të moshuarish, duke e çuar numrin e përgjithshëm të rasteve në 89.
/abcnews.al
