Kadare u nda nga jeta mëngjesin e djeshëm, në moshën 88-vjeçare.
Sot dhe nesër, Shqipëria është në zi kombëtare në nder të kolosit të letërsisë shqipe.
Në të gjitha institucionet shtetërore dhe publike, flamuri është ulur në gjysmë shtizë, ndërsa vendimi për zi kombëtare u mor me propozim të kryeministrit Edi Rama.
Sakaq një reagim ka ardhur dhe nga Presidenti i Francës, Emmanuel Macron për vdekjen e Kadaresë. Franca ishte vendi që i hapi dyert Kadaresë duke i dhënë azil pasi ai u largua nga regjimi diktatorial i Enver Hoxhës. “Jetoi dhe krijoi si një njeri i lirë, në një vend që nuk ishte e tillë”, shkruan Macron për Kadarenë, duke thënë se me veprat e tij i tregoi botës për regjimin e Enver Hoxhës në Shqipëri.
