Pasi tërhoqi vëmendjen në rrugët e Milanos për stilin më të mirë. Armina Mevlani është ndaluar nga fotografët që ndjekin Javën e Modës në Paris për t’u fotografuar.
Fashionista shqiptare u zgjodh nga “Elle” si një ndër të veshurat më mirë në Javën e Modës. Mevlani u shfaq në artikullin mbi veshjet më stil në sajtin e variantit spanjoll të “Elle” dhe thotë se ndihet e lumtur për këtë.
“E lumtur të ndaj me ju “Elle” Spanjë, ku jam përzgjedhur në këtë listë selektive midis të famshmëve të modës”, shkroi ajo në “Facebook”, ku shpërndau artikullin.
Ajo renditet mes fashionistave të famshme nga e gjithë bota, ku dallon e njohura Chiara Ferragni. Armina shfaqet e veshur me fustan të zi me fund voluminoz tyli, syze të zeza dhe çantë me shkëlqim, ndërsa aksesorët e tjerë të bizhuve janë të vogla për të mos tërhequr vëmendjen.
Kjo është hera e dytë që Armina Mevlani shfaqet në sajtin e “Elle” në Spanjë, pasi në janar u bë pjesë e një artikulli që sugjeronte ide për kombinimin e një xhakete, duke marrë si shembull veshjen e Arminës
Pak momente më parë Armina postoi në “Insta History” një moment nga prapaskenat e fotografive të saj. Duket se ajo ishte zgjedhur për t’u fotografuar nga të tjerë fotografë, tashmë e veshur me një fustan në stil më “casual”, por njëkohësisht dhe “cool” nga Vetements.
*Shfleto galerinë
Burimi: Elle/Instagram
