Familja shqiptare gjen 115 mijë euro në Llogara, ja çfarë bëri me to

Një familje shqiptare në Llogara ka bërë një gjest për t’u admiruar. Ata kanë gjetur plot 115 mijë euro në një çantë dhe i kanë dorëzuar ato në polici.

Paratë e gjetura, i përkisnin një çifti nga Ukraina. Ata janë proceduar nga policia, pasi gjatë kalimit në pikën kufitare nuk i kanë deklaruar paratë që kishin me vete.

Sasia e madhe e parave në fakt është gjetur në zonën ku hidhen parashutat, një zonë kjo mjaft e frekuentuar nga turistët.

Lidhur me këtë çantë në Sallën Operative Vlorë, ka telefonuar një tjetër shtetas i cili ka njoftuar se në Llogara është harruar një çantë me vlera monetare prej dy shtetasve ukrainas.

Deklarata e Policisë:

Policia në përfundim të verifikimeve se kujt i përkiste kjo shumë monetare, ka sekuestruar shumën monetare prej 115 mijë euro dhe ka proceduar penalisht dy shtetas ukrainas S.M., 62 vjeçe, dhe P.K., 57 vjeç, për mosdeklarim të ardhurash në Pikën e Kalimit Kufitar! Seksioni i Hetimit të Krimit Ekonomik e Financiar në Drejtorinë Vendore të Policisë Vlorë, kanë nisur hetime intensive lidhur me një çantë personale, në brendësi të saj me vlera monetare, në një sasi prej 115 mijë euro, të gjetur në zonën e Llogarasë. Konkretisht: Çanta është gjetur prej një familjeje turistësh shqiptar në Llogara, në zonën ku hidhen parashutat, dhe e dorëzoi atë pranë strukturave policore. Lidhur me këtë çantë në Sallën Opertative Vlorë, ka telefonuar një tjetër shtetas i cili njofton se në Llogara është harruar një çantë me vlera monetare prej dy shtetas ukrainas.

Shkarko Snapfood dhe fito 10% ulje në porosinë e parë