Ajo është një ndër personat më të kërkuar sot për sot, qoftë edhe për një darkë me fqinjët, të cilët rastësisht qëlluan të jenë çifti Kardashian-West. Këngëtarja Adele, së fundmi ka blerë një shtëpi pranë asaj të Kim dhe Kanye, duke u bërë fqinje e tyre në Los Angeles.
Por edhe pse 28-vjeçarja është një fanse e “Keeping Up With The Kardashians”, ajo refuzoi ftesën e Kris Jenner (mamaja e Kim) për të darkuar bashkë me familjen. Sipas një burimi të brendshëm, 60-vjeçarja kishte menduar se do të ishte gjesti i duhur që Kim dhe Kanye t’i jepnin një ftesë mirëseardhjeje Adele pasi bleu shtëpi pranë tyre, por duket se kjo e fundit “nuk shitet” me këtë ide.
Ylli i hitit “Hello” ka pranuar se, më parë ka qenë një tifoze e madhe e “Keeping Up With the Kardashians”, duke zbuluar se ajo e ndiqte serialin gjatë kohës që ishte shtatzënë me djalin e saj Angelo. Por në mënyrë të qartë Adele, e cila nuk tundohet për t’u bërë “ylli” i serialit, ka refuzuar darkën.
“Kendall e ka ftuar vazhdimisht Adele. Dhe tani familja është në bord, Kris mendon se do të ishte e mahnitshme për Kim dhe Kanye që t’i japin Adele një mirëseardhje në LA, meqënëse ajo është fqinja e tyre”, thotë burimi pranë Kardashians.
Burimi: Mirror
