Në rubrikën e të famshmeve shqiptare të veshura më me stil “iconstyle.al” çdo javë ju jep mundësinë lexuesve të faqes që të zgjedhin të preferuarën e tyre.
Këtë javë përzgjodhëm 5 vajza të famshme, të cilat me zgjedhjet e tyre plot shije janë shndërruar në imazhe referimi përsa i përket stilit të veshjes.
Lexuesit e “iconstyle.al” votuan të preferuarën e tyre mes: Lori Hoxhës, Oriola Marashit, Nora Istrefit, Samanta Karavellës dhe Liberta Spahiut.
E veshura më me stil për këtë javë që ju zgjodhët është këngëtarja Nora Istrefi. Në vend të dytë është renditur Lori Hoxha, e treta Oriola Marashi dhe si më pak e votuara rezulton këngëtarja Liberta Spahiu.
Nora Istrefi shfaqet me kombinimin e momentit mes klasikes dhe modernes. Ajo ka zgjedhur një kostum blu të errët, të cilin ka zgjedhur ta kombinojë jo në mënyrën tradicionale me këpucë me taka, por me atlete te zeza.
Burimi: Iconstyle.al
