Jona Spahiu, më pas Afërdia Dreshaj, Sara Hoxha dhe së fundmi Elita Rudi, ishin të famshmet shqiptare të cilat ndryshuan status këtë vit.
Dasmat e tyre, organizimi, look-u dhe gjithçka tjetër tërhoqën vëmendjen e të gjithëve, ndaj dhe ïconstyle.al”organizoi një sondazh për të zgjedhur nusen më të bukur të vitit.
Pa u zgjatur shumë mund të themi se ajo është ELITA RUDI.
Moderatorja nga Kosova kurorëzoi dashurinë mbrëmjen e 21 shtatorit dhe paraqitja e saj përputhej shumë me atë të nuseve shqiptare, ku duhet të mbizotërojë shkëlqimi.
Fustani i fryrë ishte i zbukuruar me detajet e kristaleve dhe puplave, ndërsa pak ditë më parë mësuam se është dizajnuar enkas për të.
Flokët i mbante të kapura dhe kishte zgjedhur një aksesor me detajet e luleve. Nga ana tjetër makijazhi theksonte tiparet e saj.
Mund të themi se Elita ishte një nuse tradicionale shqiptare dhe ndoshta kjo ishte arsyeja përse ajo u pëlqye pa masë.
