Ndërsa një muaj më parë sapo u njohëm me iPhone 7, “Apple” po punon për dizajnin e ri të iPhone 8. Gjenerata e ardhshme duket se do të ketë një ekran sa e gjithë pajisja.
Kompania e Kupertinos ka regjistruar një numër patentash, që tregojnë se është duke kërkuar për teknologji inovative, që të ketë sensorin e gjurmëve të gishtave poshtë xhamit të ekranit.
Hapi i parë në këtë proces është heqja e butonit fizik të “Home”. Kjo do t’i japë mundësi kompanisë të zëvendësojë këtë hapësirë me ekranin.
Deri tani “Apple” ka përdorur një unazë në butonin ‘Home” me një sensor me dritën e mjedisit, me një mikrofon dhe një kamera ‘selfie’ para. Për të hequr të gjitha këto, “Apple” do t’i vendosë këto komanda në xham. Megjithatë të dhëna të reja do të vijojnë të dalin deri në publikimin zyrtar të telefonit të “Apple” vitin e ardhshëm. Një ndryshim i tillë pritej që për iPhone 7.
