Një ngjarje e rëndë ka ndodhur mesditën e sotme në Lushnjë, ku një 82-vjeçar, Behar Musaku ka qëlluar me armë zjarri të bijën duke e lënë të plagosur dhe më pas ka vrarë veten.
Me një armë gjahu të cilën e dispononte me leje, Behar Musaku ka qëlluar vajzën 40-vjeçare Rudina Musaku, e cila ndodhet në spital nën kujdesin e mjekëve, në gjendje të rëndë shëndetësore.
Dyshohet se shkak i kësaj ngjarjeje të rëndë është bërë një konflikt i çastit mes tyre.
40 vjeçarja ishte e divorcuar dhe me fëmijë e cila kishte ardhur për të qëndruar tek prindërit e saj.
Sakaq grupi hetimor vijon punën për sqarimin e rrethanave dhe dokumentimin e plotë ligjor të këtij rasti.
