E rëndë në Fier/ 39-vjeçari vret me thikë bashkëjetuesin e ish-gruas

Një ngjarje e rëndë është regjistruar mbrëmjen e sotme në Fier, në rrugën Ramiz Aranitasi.

Sherri mes ish-bashkëshortit dhe bashkëjetuesit të një gruaje ka degjeneruar deri në përplasje fizike dhe më pas në përdorim të thikës.

Lexo edhe :

Filmi “Odisea” i Christopher Nolan rikthen Homerin në modë, shitjet e librave rriten me 1.400% dhe Shqipëria bëhet pjesë e historisë

12:35 30/07/26

“Çdo ditë zgjohesha me frikë”/ Nara Smith rrëfen ankthin e fshehjes së diagnozës së kancerit të vajzës: Kisha tmerr se do të zbulohej në internet

22:11 29/07/26

Sipas njoftimit të policisë, Xhuliano Miho ka goditur shtetasin Xh. B., dhe më pas është arrestuar nga policia.

Shtetasi Xh. B., fillimisht u dërgua në gjendje të rëndë në spital dhe më pas ndërroi jetë.

“Rreth orës 21:00, në rrugën “Ramiz Aranitasi”, shtetasi Xh. M., 39 vjeç, gjatë një konflikti për motive të dobëta, ka goditur me mjet prerës (thikë), shtetasin Xh. B., 23 vjeç, i cili si pasojë e plagëve të marra ka humbur jetën në spital.

Shërbimet e Policisë kanë kapur dhe shoqëruar në Polici shtetasin Xh. M., dhe  po kryhen veprimet e mëtejshme procedurale. Grupi hetimor po punon për sqarimin e rrethanave dhe dokumentimin ligjor të rastit”, sipas policisë.