Një ngjarje e rëndë ka ndodhur ditën e sotme në Berat.
Dy foshnja 5-muajshe, binjakë, kanë ndërruar jetë rreth orës 9:00 të mëngjesit.
Prindërit dyshojnë se shkak është bërë qumështi i kutisë, ndërsa mjekët raportojnë se në trupin e tyre nuk ka shenja helmimi.
Sipas burimeve të “Report Tv” nga spitali i Beratit, mjekët dyshojnë te një tjetër pistë. Ata thonë se binjakët mund të jenë asfiksuar nga soba me dru në shtëpi.
Nëna i kishte lënë për pak kohë binjakët me një fqinje, pasi ishte larguar për të blerë diçka në dyqan, por kur është kthyer i ka gjetur pa jetë. Hetimet vijojnë për të përcaktuar shkakun që u mori jetën binjakëve.
