Një ngjarje e rëndë është shënuar në kryeqytet ku një 22-vjeçar është gjetur i pajetë mëngjesin e sotëm.
Ka qenë gjyshja e tij ajo që e ka gjetur të riun e identifikuar me inicialet J. B të pajetë brenda në vaskë, në banesën e tyre në rrugën “Kongresi i Manastirit” në Tiranë.
Burime zyrtare nga policia bënë me dije se nga hetimet, në trupin e viktimës nuk rezultojnë shenja dhune, ndërkohë që po punohet për zbardhjen e shkaqeve të vdekjes.
Njoftimi i policisë:
“Më datë 08.08.2018, rreth orës 08:25, në rrugën ”Kongresi Manastirit”, në tualetin e banesës, në vaskë, është gjetur pa shenja jete nga gjyshja, shtetasi J. B., rreth 22 vjeç. Nga këqyrjet paraprake nuk rezulton të ketë shenja dhune në trup. Po punohet për zbardhjen e rrethanave dhe përcaktimin e shkaqeve të vdekjes.” informoi policia e Tiranës
