Një video e një vajze që ngatërron kreun e shtetit Ilir Meta me kreun e Bashkisë së Tiranës, po bëhet virale në internet.
Ka qenë kryetari i Bashkisë së Tiranës, Erion Veliaj ai i cili e ka publikuar videon për të ndryshuar pak atmosferën e kësaj dite gri!
Videoja është realizuar nga aplikacioni Tik-Tok dhe në të shfaqet një vajzë e re që pyetet se kush është Presidenti i Republikës së Shqipërisë, ndërsa ajo përgjigjet: Erion Veliaj.
“U bëfsh 100 vjeç o goce, se duhej pak humor në këtë ditë gri. Të ka Lali xhan, mos e vrit mendjen ç’a thotë bota”, shkruan Veliaj me humor për vajzën.
Videoja vjen në një kohë kur Presidenti Meta, ka lajmëruar mbajtjen e një proteste kombëtare më 2 mars kundër qeverisë.
