Një ngjarje e rëndë ka tronditur Tiranën, ku 25-vjeçarja Xhuana Nikolli humbi jetën pasi dyshohet se u vetëhelmua.
E reja ndërroi jetë një ditë më parë në Qendra Spitalore Universitare Nënë Tereza, ku ishte transportuar për ndihmë mjekësore. Sipas burimeve, para se të ndërmerrte aktin ekstrem, ajo dyshohet se kishte lënë një letër ku shprehej se nuk dëshironte që personat që i kishin bërë keq të vazhdonin ta lëndonin. Në fund të saj, ajo kishte kërkuar ndjesë prindërve për vendimin e marrë.
“Nuk doja më që ata njerëz që më kanë bërë keq të vazhdonin të më lëndonin”, këto janë fjalët që dyshohet se ka lënë në një letër 25-vjeçarja Xhuana Nikolli, para se t’i jepte fund jetës.
Pas ngjarjes, familjarët e saj kanë bërë kallëzim në Policia e Shtetit, në Komisariati Nr. 2, duke akuzuar ish-bashkëshortin e saj, Eraldo Fizi, për dhunë fizike dhe psikologjike. Sipas tyre, dhuna ndaj 25-vjeçares kishte qenë e vazhdueshme.
Policia ka shpallur në kërkim ish-bashkëshortin, ndërsa po vijojnë hetimet për të sqaruar plotësisht rrethanat e ngjarjes. Nga të dhënat paraprake dyshohet se e reja konsumoi fostoksinë. Gjatë ekzaminimit mjeko-ligjor janë konstatuar edhe shenja dhune në pjesë të ndryshme të trupit, përfshirë kokën, fytyrën dhe një krah.
Familjarët kanë deklaruar gjithashtu se ish- bashkëshorti ishte kthyer nga jashtë vendit më 9 shkurt dhe kishte takuar 25-vjeçaren po atë ditë. Çifti ishte divorcuar vetëm tre muaj pas martesës së tyre, e cila ishte celebruar në qershor të vitit 2025. Ndërkohë, autoritetet po vijojnë hetimet për zbardhjen e plotë të rastit.
