E bija i jep lamtumirën e fundit Kadaresë: Do t’afrohem tek varri humbak!

Letërsia shqiptare është në zi ditën e sotme. Kjo pasi shkrimtari i madh e i mirënjohur Ismail Kadare ndërroi jetë në moshën 88-vjeçare.

E bija e Kadaresë, Besiana ka zgjedhur një poezi të ndjerë të të atit për të shprehur dhimbjen për ndarjen nga jeta të babait të saj.

Lexo edhe :

Filmi “Odisea” i Christopher Nolan rikthen Homerin në modë, shitjet e librave rriten me 1.400% dhe Shqipëria bëhet pjesë e historisë

12:35 30/07/26

“Çdo ditë zgjohesha me frikë”/ Nara Smith rrëfen ankthin e fshehjes së diagnozës së kancerit të vajzës: Kisha tmerr se do të zbulohej në internet

22:11 29/07/26

“Kohë e pamjaftueshme”- titullohet poezia, një ndër poezitë më të bukura të letërsisë shqiptare.

Kohë e pamjaftueshme
S’kam kohë të harroj shumë gjëra
Që nga mendja ti nxjerr përjetë.
Për tragjikët e vjetër e shkrepëtimat

Do t’më duhen së paku dy vjet.

Dhe ndoshta po aq për Danten,

Për frëngjishten tok me plazhet po aq,

Ndoshta gratë do të jem duke fshirë

Kur muzgu do të afrohet ndërkaq.

Si udhëtari me peshë të tepërt

Para avionit që niset pas pak

I ngarkuar rëndshëm ende

Do t’afrohem tek varri humbak.

Nga supet si ta heq këtë barrë?

Ku ta hedh këte peshë, si?

Me të s’mund të zbres atje poshtë

Por as lart dot s’e lë kurrsesi.
I menduar gjer në çast të fundi

Nga mosthënia, nga pengu tragjik,

Një shenjë ndoshta të pakuptueshme

Do t’ju bëj të gjithëve e do ik.

Ismail Kadare