Këtë mbrëmje situata mes vajzave ka degraduar deri në përplasje fizike. Sara është përpjekur të futet në tualet me Françeskën ndërsa kjo e fundit nuk e ka lejuar dhe kur ka dalë e ka shtyrë me forcë duke e ofenduar me etiketime të tilla si: Injorante, debile.
U desh ndërhyrja e banorëve të tjerë që situata mes vajzave të mos i kalonte caqet sërish. Sara u ka treguar banorëve se ajo donte të hynte në tualet me të duke e ditur që nuk lejohet dhe ky veprim do i dërgonte automatikisht në nominim, me qëllim që ta nxirrte nga shtëpia.
