Një grua 50-vjeçare është hedhur nga një urë pasditen e djeshme në Fushë-Krujë.
Dyshohet se ajo vuan nga probleme të shëndetit mendor, dhe për pasojë është hedhur nga ura me lartësi 12 metra në aksin Fushë Krujë-Thumanë.
Ajo arriti të hipë mbi barrierat e urës dhe të hidhet. Fatmirësisht, ajo ra mbi një tendë rrushi poshtë dhe kjo gjë i ka shpëtuar jetën.
Edhe pse mbijetoi, ajo u transportua menjëherë drejt Spitalit të Traumës për një ndërhyrje të specializuar kirurgjikale.
