Dyshohet se është vatra e infeksionit në Elbasan, preket nga COVID-19 edhe gruaja e pronarit të restorantit pranë gjykatës

Ka shkuar në 12 numri i të prekurve nga COVID-19 në Elbasan.

Tashmë rezulton e infektuar edhe gruaja e pronarit të restorantit në lagjen “5maji” në Elbasan, i cili ndodhet pranë gjykatës.

Lexo edhe :

Filmi “Odisea” i Christopher Nolan rikthen Homerin në modë, shitjet e librave rriten me 1.400% dhe Shqipëria bëhet pjesë e historisë

12:35 30/07/26

“Çdo ditë zgjohesha me frikë”/ Nara Smith rrëfen ankthin e fshehjes së diagnozës së kancerit të vajzës: Kisha tmerr se do të zbulohej në internet

22:11 29/07/26

Pronari i restorantit ndërkohë ndodhet në spitalin “Shefqet Ndroqi”, që prej fillimit të javës.

Restoranti i çiftit 40 dhe 46 vjeç dyshohet se ka qenë vatra e përhapjes së koronavirusit në Elbasan.

Sipas epidemiologëve, 90% e rasteve që rezultojnë pozitiv në Elbasan, kanë qenë frekuentues të restorantit.

Pronari i restorantit e ka mbajtur hapur biznesin gjatë gjithë kohës, duke shkelur hapur VKM-në e qeverisë.

Ditën e djeshme ndërkohë u dezinfektua restoranti, banesa e 46-vjeçarit dhe zona përreth.

Gjatë ditëve të fundit në Elbasan u janë marrë tamponët 13 personave të tjerë, për të cilët pritet përgjija.

Autoritetet u kanë bërë thirrje të gjithë qytetarëve që kanë frekuentuar restorantin, që të vetëkarantinohen dhe të informojnë hetimin epidemiologjik për shhëndetin e tyre dhe të familjarëve.

Aktualisht në vendin tonë janë prekur 383 persona nga COVID-19, në mesin e të cilëve 154 të shëruar dhe 22 viktima.

/Gazeta Reforma