Të paktën tre persona të tjerë, po mbahen në urgjencën e Spitalit Infektiv në Tiranë të dyshuar si të infektuar me Koronavirus.
“BallkanWeb” bën me dije se 2 prej tyre janë çifti nga Skrapari që mbërriti në spital me makinën e tyre, ndërsa personi i tretë ka ardhur nga Sanatoriumi.
Sipas informacioneve, ata po mbahen të izoluar në katin zero të Infektivit dhe pritet që të dalë rezultati i analizave.
Deri më tani në Shqipëri rezultojnë 6 persona të infektuar.
5 janë nga e njëjta familje ndërsa i gjashti është një 31-vjeçar nga Fieri.
Gjendja e tyre shëndetësore paraqitet e mirë dhe nuk kanë komplikacione.
